Wednesday, November 3, 2010

തൊഴിലന്വേഷകന്റെ ശ്രദ്ധയ്ക്ക്‌

ആളെ ആവശ്യമുണ്ട്.

പ്രതിഫലം ?
എന്തും.
പരിചയം? പരിഗണനീയം
അദ്ധ്വാനം? ആയാസരഹിതം.
ജോലിയോ ? പറയാം.

ചങ്ങാതീ..
സ്നേഹനിധീ..
വേണ്ട,
നോക്കേണ്ടയിങ്ങനെ.
ഈ വെറുംവാഴ്‌വല്ലാതെ
മറ്റെന്തും ചോദിക്ക്‌.

അയൽവാസീ,
ആർത്തിക്കാരാ
അയല്ക്കാരന്റെ
സൽപ്പേരിൽ
നിന്റെ
അടുപ്പെരിയുമോ?
നാലാൾ നല്ലതു പറയാൻ
നീ തന്നെ വിയർക്കണം.
വിയർക്ക്‌.
എന്റെ നല്ലപേരൊഴികേ
എന്തും അപ്പമാക്ക്‌.

പ്രണയക്കോമരമേ,
കള്ളക്കാമത്തിന്റെ
തുരുമ്പുവാൾ
ദൂരെക്കളയ്‌.
ഇനി വയ്യ നോവുകൾ.

വിമോചകവേഷധാരീ ,
വർഗ്ഗശത്രൂ
വലിച്ചുനീറ്റാതെ
വാക്കൊഴിച്ചെന്തും
ആയുധമാക്ക്‌.

എന്തും ചോദിക്ക്‌
എന്നെയൊന്നു കൊല്ല്‌.

16 comments:

  1. നോവുതിന്നാൻ
    ഇനിയും വയ്യ
    good

    ReplyDelete
  2. നല്ല കവിത. മുള്ളും മുരിക്കും ധാരാളം ഉണ്ടിതില്‍ ! കാവ്യാസ്വാദകര്‍ക്ക് പിടച്ചുകയറാം ! ആരെയോ ശത്രുവായികാണുന്നുണ്ടല്ലോ. ദദായത്, ആറാം ഭാവത്തില്‍ ഒരു പാപഗ്രഹം നിന്ന് അയവിറക്കുന്നു.

    ReplyDelete
  3. അതെ, എന്നെയൊന്നു കൊല്ല്.
    അങ്ങനെ പറഞ്ഞാൽ അതു നടക്കുമോ?........
    കൊള്ളാം.

    ReplyDelete
  4. നോവ് തിന്നാതെ നാവിൽ നിന്ന് വാക്കായ വാക്ക് ഉരുവാകില്ല കവീ. വാക്കല്ലാതെ മറ്റൊരായുധമില്ലാത്തവൻ വാക്കാൽ മരിക്കയുമില്ല. പിന്നെ,... ആഗ്രഹം പറയാം.. കൊന്നേക്കാൻ. കൊന്നാൽ പാപം തിന്നാൽ തീരുമെന്ന് പഴമൊഴി.

    ReplyDelete
  5. എന്റീശ്വരാ എന്നെയൊന്നു കൊല്ല്‌. ..!
    ശ്രീകുമാറിന്മേൽ ഒരു തുല്യം ചാർത്തുന്നു

    ReplyDelete
  6. നോവ് തിന്ന് തിന്ന്
    രുചി കെട്ട് കെട്ട്
    പുലം കെട്ടവന്‍
    ഇറങ്ങി നടക്കുന്നു

    ReplyDelete
  7. നല്ല കവിത ജ്യോതി.

    ReplyDelete
  8. ജ്യോതി, കവിതയുടെ സ്വരത്തിലൊരു വ്യതിയാനമുണ്ട്, വളരെ നന്നായി അത്. പിന്നെ കവിതയുടെ ആസ്വാദനം ശ്രീകുമാറെഴുതിക്കഴിഞ്ഞു, ഇഷ്ടമായി, ആശംസകൾ!

    ReplyDelete
  9. വൈകിയാണ് എത്തിപ്പെട്ടത്..എങ്കിലും വായനയില്‍ സന്തോഷം..

    ReplyDelete
  10. Salperil ninte vishappu maarumo? ee varikal pazhaya oru orma unarthunnu. Kasargodinte yakshagana aachaaryan, marichupoya chandragiri ambu ennodum chodichitund-puraskaarangal kond vishappu maarumo ,ennu...nalla kavithayanu ithu.

    ReplyDelete
  11. നല്ല എഴുത്ത്.

    ഭാവുകങ്ങൾ!

    ReplyDelete
  12. എന്തൊരു രോഷം..! രോഷത്തിനിടയില്‍ കവിത ചോര്‍ന്നുവോ.. ?

    ReplyDelete
  13. രോഷാഗ്നി വമിക്കുന്ന വാക്കുകളാല്‍
    തീപ്പൊള്ളലേല്പിക്കുന്ന നല്‍ക്കവിത

    ReplyDelete