Sunday, October 21, 2007

സുന്ദരം ജീവിതം

(വിവര്‍ത്തനം)

(P.S. മനോജ്‌ കുമാര്‍ എഴുതിയ life is beautiful എന്ന കവിതയുടെ വിവര്‍ത്തനം )

തെരുവോരത്തകരച്ചെണ്ടയില്‍
‍അലമുറ.
ബധിരന്റെ കേള്‍വി.

നോവിന്റെ വെയില്‍മിഴികള്‍‍
നോക്കാതെ നിന്നും
നില്‍ക്കാതെ കണ്ടും
വഴിപോക്കര്‍ചുറ്റിനും

ഇരുകോലുകള്‍
‍ഉള്ളിലിടിമുഴക്കം
ഉരുകുന്നുഗിരിതന്‍ വിഷാദം
അലറുന്നു കടലിന്റെ മൗനം
ഇതു തുടര്‍വാഴ്‌വിന്‍നിലക്കാത്ത ചെത്തം

ആകെച്ചുളുങ്ങിചിലമ്പുമീ ചെണ്ടയില്‍
ജീവിത സ്പ്ന്ദമായ്‌
നീ സ്വയം നിറയവേ
കനവിനു വിലങ്ങുമായ്‌കാറ്റൊന്നുവരുമൊ?
കനിവിന്‍ തലോടലായ്‌മഴയുതിരുമോ..
വെയില്‍മായുമോ?
നിലാത്തിരിവെട്ടയണയുമൊ?
മണ്ണിന്റെയുടല്‍ പിളര്‍-
ന്നെല്ലാമൊടൂങ്ങുമൊ?
ഒന്നായ്ച്ചിതറുമോ താരജാലം !

ആളും കാലാപക്കൊടുംതീ
നിലവിളിച്ചെത്തങ്ങള്‍ ,
തേങ്ങലുകള‍ട്ടഹാസങ്ങള്‍
അലര്‍ച്ചകളമര്‍ച്ചകള്‍
‍ഒന്നാകെയൊരുനാള്‍
കീഴ്മേലില്‍ മറിയുമോ
ജീവിതം സുന്ദരമെന്നോ?

ചുവടൂവെയ്പിടറിടാം
വീഥിയില്‍ വീണിടാം
യാത്രയ്ക്കു കൂട്ടിവയുമെന്നോ?
ജീവിതം സുന്ദരമെന്നോ?

നാവിന്നു പഴനീരിനിപ്പുമതിയെന്നോ?
വനികയില്‍ പൂക്കാലം മാത്രമെന്നോ?
വാഴ്‌വതിമോഹനമെന്നോ?
ദു:ഖങ്ങള്‍വാടും ഹൃദയത്തില്‍മാത്രമെന്നോ !

പഥിക മുളപൊട്ടുമീ
കന്യാവിചിന്തനം
തുടരുന്നു പിന്നിലായ്‌
ചെണ്ടതന്‍ നിസ്വനം

3 comments:

  1. ജ്യോതി....

    ഇംഗ്ലീഷിലെ കവിത കാണാത്തത്‌ കൊണ്ട്‌ വിവര്‍ത്തനം എത്രമാത്രം ഭംഗിയായി എന്ന്‌ പറയാന്‍ വിഷമം..ഇനി അഥവ ആ ഇംഗ്ലീഷ്‌ കവിത ഇവിടെ ഇടാമെന്നു തോന്നുന്നുവെങ്കില്‍...ഐ.അം.സോറി.....ഇംഗ്ലീഷ്‌ വായിക്കാന്‍ അറിയാം അര്‍ത്ഥം അറിയില്ല....

    ചേച്ചി..2 കവിത കണ്ടു....വളരെ മനോഹരമായിരിക്കുന്നു....കൂടുതല്‍ പ്രതീക്ഷിക്കുന്നു.....


    നന്‍മകള്‍ നേരുന്നു

    ReplyDelete
  2. ......
    ....
    Mountains grief.

    Seas roar.

    The life goes on.

    Which wind will shackle the dreams?

    Which rain will shower to wipe the grief?

    While you play the drum,

    Sun set,

    Moon vanish,

    Stars exploded.

    Earth beneath feet, split.

    Every where

    Chaos, roaring cries.....
    .....ഇങ്ങനെ പോവുന്നു മനോജിന്റെ വരികള്‍
    എന്റെ ശ്രമം ഇങ്ങനെ....
    ഉരുകുന്നുഗിരിതന്‍ വിഷാദം
    അലറുന്നു കടലിന്റെ മൗനം
    ഇതു തുടര്‍വാഴ്‌വിന്‍നിലക്കാത്ത ചെത്തം

    ആകെച്ചുളുങ്ങിചിലമ്പുമീ ചെണ്ടയില്‍
    ജീവിത സ്പ്ന്ദമായ്‌
    നീ സ്വയം നിറയവേ
    കനവിനു വിലങ്ങുമായ്‌കാറ്റൊന്നുവരുമൊ?
    കനിവിന്‍ തലോടലായ്‌മഴയുതിരുമോ..
    വെയില്‍മായുമോ?
    നിലാത്തിരിവെട്ടയണയുമൊ?
    മണ്ണിന്റെയുടല്‍ പിളര്‍-
    ന്നെല്ലാമൊടൂങ്ങുമൊ?
    ഒന്നായ്ച്ചിതറുമോ താരജാലം !

    .....

    ReplyDelete