Wednesday, August 23, 2017

ജരാരേഖിതം

ഇത്രയുമടു,-
ത്തൊന്നു നോക്കിയാൽക്കാണാം
കൈയ്യൊന്നെത്തിച്ചാൽത്തൊടാം.
നമ്മൾ കൈകെട്ടി,ക്കണ്ണും പൂട്ടി-
ക്കുനിഞ്ഞിരിക്കുന്നു.
മെല്ലെ
ചില്ലുപോൽ സുതാര്യത്തിൽ,
മഞ്ഞിന്റെ തണുപ്പുള്ള
വന്മതിലുയരുന്നു ..
പഴയ പൊരുത്തത്തിൻ വജ്രസൂചികൾ
മഞ്ഞിൻ സ്ഫടികപ്രതലത്തിൽ
പ്രിയമെന്നു പോറുന്നു
നമ്മൾ നോക്കുന്നു ,കാണാം !കൈയഴിഞ്ഞുയരുന്നു ;
തൊടുവാനാകും മുൻപേ
ജലരേഖകൾ വെറും
ബാഷ്പമായ് മറയുന്നു.

No comments:

Post a Comment