Wednesday, August 23, 2017

എന്റെ മേൽ ,'വിലാസം

 '


മുലയും തലയും ഒഴിവാക്കിയിരുന്നു 
ഉടൽവടിവിലും പേശിയുറപ്പിലും 
ആണെന്ന് കാണിച്ച് 
കരുത്ത് കൊണ്ട് കൊതിപ്പിച്ചു 
കൊതിയോടെ മെയ്യിലിഴുകുമ്പോൾ 
ഞെട്ടിയതും 
കണ്ണുകൾ വീണ്ടും തിരുമ്മിത്തുറന്നതും
നുള്ളി മുറിഞ്ഞതും 
മായമെന്നു തോന്നിച്ച 
ഒരു ഇടക്കാഴ്ചയിലായിരുന്നു 
കൃത്യം ....!!!
അതെ 
കൃത്യമായും ആ മുഹൂർത്തത്തിൽത്തന്നെയാണ് 
തന്നെത്താനേ സ്വാതന്ത്ര്യം പ്രഖ്യാപിച്ച 
ഒരു പെണ്ണൊച്ച
*"എന്റെ മേൽവിലാസം'
വായിച്ചു തുടങ്ങിയതും 
ചുറ്റും 
ശൂന്യതയിൽ നിന്നെന്നപോലെ 
പാളികളില്ലാത്ത വാതിൽ ചതുരങ്ങൾ 
ഉയിർക്കാൻ തുടങ്ങിയതും
ഒപ്പം 
വലംനെഞ്ചിലെ 
'തപാൽ' എന്ന് ചുവന്നയിടത്ത് 
ഇല്ലാ വിലാസങ്ങൾ മാത്രംകുറിച്ച 
എണ്ണാമില്ലാക്കത്തുകൾ 
പെരുകാൻ തുടങ്ങിയതും 

(അമൃതാപ്രീതത്തിന്റെ 'എന്റെ മേൽവിലാസം' എന്ന കവിതയുടെ installation )
 — at Vyloppilli Samskrithi Bhavan.

No comments:

Post a Comment