സൂര്യകിരണം -അന്ന അഖ് മതോവ
ജനാലയ്ക്കലെത്തിയ
സൂര്യകിരണത്തോട് ഞാന്‍ പ്രാര്‍ത്ഥിയ്ക്കുകയാണ്
അത് വിളര്‍ത്തു‍മെലിഞ്ഞും നിവര്‍ന്നുമിരിയ്ക്കുന്നു
പ്രഭാതം മുതല്‍ ഞാന്‍ നിശ്ശബ്ദയായിരുന്നു
എന്റെ ഹൃദയമോ പിളര്‍ന്നുമിരുന്നു.
എന്റെ തൊട്ടിയുടെ ചെമ്പില്‍
ക്ലാവ് പച്ചനിറം പൂശിയിരിക്കുന്നു
എങ്കിലും
സായന്തനശാന്തതയിലെ
ഈ കിരണം
അതിനെ മനോജ്ഞമാക്കുന്നു
എത്ര നിഷ്കളങ്കവും ലളിതവുമാണത് ..
എന്നാല്‍
പരിത്യക്തമായ ഈ ദേവാലയത്തില്‍
എനിയ്ക്കിതൊരു സൌവര്‍ണ്ണോത്സവമാണ്
ഒരു സാന്ത്വനവും. .
