ഒന്നാം കണം
കുത്തിയിരിപ്പാണ് നടുക്ക്
ഒത്തൊരു നിസ്സംഗൻ കൂട്ട്
ധനമല്ലോ നീക്കിയിരിപ്പ്
പുറവഴിയൂടൊരുവൻ പോക്ക്
വിപരീതനവൻ ,ആസക്തൻ
വിരലായ് നീളുന്നു പ്രസരം
ഒരു വേള തൊടാനായുമ്പോൽ
ഉടനേയകലെ മായുമ്പോൽ
ക്രമമെന്ന പരിക്രമണത്തി-
ന്നൊരുനാളൊടുവിൽ വന്നെന്നിൽ
അലിയാമവൻ അതു വരെ ഹർഷം
ധനവിദ്യുത്പ്രേമാകർഷം
രണ്ടാം കണം
അണുഹൃദയപ്രണയഋണത്വം
വരു നീയെന്നഭ്യർത്ഥിക്കും
കൊള്ളാമാ ,വശ്യം എന്നാൽ
ചെന്നങ്ങനടങ്ങുകയോ? ഛായ് !
മറുരാഗം പറയുന്നുണ്ട്
പുറവഴിതൻ തുറവ്,ഒഴിവ്
അതുകണ്ടു കുതിച്ചു തെറിക്കാൻ
അരുതത്ര കരുത്തും പോര
മറ്റെന്ത്? കറക്കം മാത്രം
തെറ്റെന്നാൽ മറ്റൊന്നായി -
ത്തെറ്റുമൊരീയണുഗോളത്തിൽ
ധർമ്മമത് കർമ്മവുമത്രേ!
No comments:
Post a Comment